ನೀನಿಲ್ಲದೆ

ಒಮ್ಮೆ ಪ್ರೀತಿಸಿ ನೋಡಬೇಕ್ಕಿತ್ತು ನನ್ನ ಪ್ರೀತಿಯ ತೀವ್ರತೆಯ...
ನಿನ್ನ ಹೆಸರಾಗಿತ್ತು ನನ್ನ ಜೀವನ - ಹರಿ

ನಿನ್ನ ನೆನಪುಗಳ ಹಾವಳಿ ಜಾಸ್ತಿ ಆಗಿದೆ,
ಮುಸುಕು ಹಾಕಿ ಮಲಗಿದರೂ,
ನನ್ನನ್ನು ಕಾಡುತ್ತಿದೆ - ಹರಿ

ನಿನ್ನ ನೆನಪುಗಳ ಹೊದಿಕೆ ಮಾಡಿ
ಮಲಗಿದರು
ನಿದ್ದೆ ಬರಲ್ಲಿಲ್ಲ - ಹರಿ

ಹರಿ ನಾಮ ಸ್ಮರಣೆ ಇಂದ,
ಹರಿಪಾದ ಸಿಗುವುದಾದರೆ,
ನಾ ಎನ್ನ ಪ್ರೇಯಸಿಯ ಸ್ಮರಿಸುವೆ - ಹರಿ

ಮಿಥ್ಯವನುಡಿಯಲಾರೆ ಎನ್ನ ಪ್ರೇಯಸಿಗೆ,
ಅವಳು ನನ್ನ ಅಂತರಂಗದ ಕವಿತೆ - ಹರಿ

ಪ್ರೀತಿಸಿದಕ್ಕೆ ನೀನಂತು ಸಿಗಲ್ಲಿಲ್ಲ,
ಸಿಕ್ಕಿದ್ದು ಒಡೆದ ಮನಸ್ಸು,
ಬಿಳಿ ಹಾಳೆ,
ಲೇಖಣಿ,
ಮತ್ತೆ ಬಿಸಿ ನೆತ್ತರು - ಹರಿ

ನೀ ನನ್ನ ಬಿಟ್ಟು ಹೋದರು,
ನನಗೆ ಒಂಟಿತನ ಕಾಡಲಿಲ್ಲ,
ಮೂರು ಹೊತ್ತು ನಿನ್ನ ನೆನಪುಗಳ
ಮೂಟೆ ಹೊತ್ತುಕೊಂಡು ತಿರುಗುತ್ತಿದ್ದೇನೆ - ಹರಿ

ಕಲೆ

ನಿನ್ನ ಪ್ರೀತಿಯ ಒಲೆ ಮೇಲೆ
ನನ್ನ ಮನಸ್ಸೆಂಬ ಪಾತ್ರೆಯನಿಟ್ಟು
ಅದರೊಳಗೆ ಭಾವನೆಗಳ ತುಂಬಿಸಿದೆ.

ಬೆಂಕಿ ಜೋರಾಗಿ, ಜ್ವಾಲೆಯಾಗಿ,
ಭಾವನೆಗಳ ಕುದಿಸಿತು.
ಕುದ್ದ ಭಾವನೆಗಳು ಉಕ್ಕಿ ಚೆಲ್ಲಬೇಕಿತ್ತು,

ಹಾಗಾಗದೆ, ಇಂಗಿಹೋಗಿ,
ತಳದಲ್ಲೆ ಕಪ್ಪು ಕಟ್ಟಿಕೊಂಡು,
ಎಷ್ಟು ತಿಕ್ಕಿದರೂ ಮಾಸದ ಕಲೆಯಾಗಿ ಉಳಿದುಕೊಂಡಿದೆ - ಮನು

ಎಂದು ಬರುವೆ

ಡಿಗ್ರಿ ಓದಲು ಯುವರಾಜಸ್ ಗೆ ಸೇರಿದಾಗ ನನ್ನನ್ನು ಸೆಳೆದ ಹುಡುಗಿಗೆ ಬರೆದ ಪ್ರಥಮ ಪ್ರೇಮಕವಿತೆ

ನೀ ಎಂದು ಬರುವೆ ಎನ್ನ ಬಾಳಿಗೆ
ನಾ ಕಾಯುತ್ತಿರುವೆ ನಿನ್ನ ಒಲವಿಗೆ

ನಿನ್ನ ನೆನಪುಗಳ ನಕ್ಷತ್ರಗಳ ಎಣಿಸುತ್ತಿರುವೆ
ಪದೇ ಪದೇ ಆಕಾಶದಲ್ಲಿ ಬೆಳಗುತ್ತಿರುವ ಚಂದ್ರನನ್ನೆ ನೋಡುತ್ತಿರುವೆ

ಪ್ರೀತಿ ಎಂಬ ಬೆಳಕನ್ನು ಬೀರು ನೀ
ಎನ್ನ ಜೀವನವ ಸಾರ್ಥಕಗೊಳಿಸು ನೀ

ನಿನ್ನನ್ನು ನೋಡಲು ಮನವು ಹಂಬಲಿಸುತ್ತಿದೆ
ನಿನ್ನನ್ನು ಪಡೆಯಲು ಹಾತೊರೆಯುತ್ತಿದೆ

ನೀ ಎಂದು ಬರುವೆ ಎನ್ನ ಒಲವೆ
ತಿಳಿಸುವೆಯ ಎನ್ನ ಮನದಾಳದ ಸಿಹಿ ನೋವೆ

ಕಾಯುತ್ತಿದ್ದೇನೆ ಎನ್ನ ಮಾನವ ಸಮಾಧಾನಗೊಳಿಸಿ
ನೀ ಬಂದೆ ಬರುವೆ ಎಂಬ ಆಶ್ವಾಸನೆಯ ಹುಟ್ಟಿಸಿ

ಬಂದರು ಬಾರದಂತಿರಬೇಡ
ಬಾರದಿದ್ದರೂ ಬಂದಂತಿರಬೇಡ
ಇದು ನಿನ್ನ ಕೆಲಸವಲ್ಲ
ಇದೇನಿದ್ದರೂ ನಿನ್ನ ನೆನಪುಗಳ ಕೆಲಸ

ನಿನ್ನನ್ನೇ ಸದಾ ನೆನೆಯುತ್ತಿರುತ್ತೇನೆ
ನಿನ್ನನ್ನೇ ಸದಾ ಪೂಜಿಸುತ್ತಿರುತ್ತೇನೆ
ನಿನ್ನನ್ನೇ ಸದಾ ಕಾಯುತ್ತಿರುತ್ತೇನೆ

ಎನ್ನ ಪ್ರೀತಿಸದ್ದಿದ್ದರು ಸರಿಯೆ
ಬಂದು ಹೋಗುವೆಯ ಎನ್ನ ಒಲವಿನ ಸಿರಿಯೆ

ಪ್ರೀತಿಸಲು ನಾ ನಿನ್ನ ಕಾಡುವುದಿಲ್ಲ
ಪ್ರೀತಿಸಲು ನಾ ನಿನ್ನ ಬೇಡುವುದಿಲ್ಲ
ಪ್ರೀತಿಸಲು ನಾ ನಿನ್ನ ಆಜ್ಞಾಪಿಸುವುದಿಲ್ಲ
ಪ್ರೀತಿಸಲು ನಾ ನಿನ್ನ ಅಪೇಕ್ಷಿಸುವುದಿಲ್ಲ
ಪ್ರೀತಿಸಲು ನಾ ನಿನ್ನ ಆಕ್ಷೇಪಿಸುವುದಿಲ್ಲ

ಪ್ರೀತಿಸಲು ಕಾರಣ ಬೇಕಿಲ್ಲ
ಪ್ರೀತಿಸುವ ಮನಸಿದ್ದರೆ ಸಾಕು - ಹರಿ

ಹರಿಗವನಗಳು

ಕೊನೆಗೂ ನೀ ಇಲ್ಲವಾದೆಯ !
ಎಂಬ ಕೊರಗು ಕೊನೆವರೆಗು - ಹರಿ

ನಿನ್ ಪ್ರೀತಿಲ್ ಓ ಚೆಲ್ವೆ,
ರಾತ್ರಿ ಕಂಡ ಬಾವಿಲಿ
ಹಗಲ್ ಬಿದ್ದಂಗೆ - ಹರಿ

ಬರುಡಾಗಿರುವ ಬದುಕು,
ಬತ್ತಿಹೋಗಿರುವ ಕಣ್ಗಳು,
ಮುರಿದ ಮನಸ್ಸು
ಇವುಗಳ ನಡುವೆ ಒಂದು ಹನಿ ಪ್ರೀತಿಗೆ ಚಡಪಡಿಸುತ್ತಿರುವ ಜೀವ - ಹರಿ

ನಿನ್ನ ಕಣ್ಗಳ ಕಾಂತಿ ಇಂದ
ಅವನ ಮನೆಯೇನೋ ಬೆಳಗಿಸಿದೆ
ಆದರೆ ನಾನು ಕುರುಡನಾಗಿ ಹೋದೆ - ಹರಿ

ಕತ್ತಲೆ ಇಂದ ಬೆಳಕಾಗುವ ಮಧ್ಯದಲ್ಲಿ
ತುಸು ಹೊತ್ತು ಸರಿದುಹೋಗುವ ಕಾಮಕ್ಕೆ
ಜೀವನ ಪರ್ಯಂತ ಪ್ರೀತಿ ಎಂಬ ತಲೆ ಬರಹ - ಹರಿ

ಮನದ ಅಂತರಾಳ

ಕಾರ್ಮೊಡವು ಆವರಿಸಿ ಆಗಸವ
ಕಂಗೊಳಿಸಿದೆ ಮುಗಿಲ ಅಂತರಾಳವ
ಭೋರ್ಗರೆವ ಮಳೆ ಸುರಿವ
ಕಂಗೆಡಿಸಿದೆ ಸಮುದ್ರದ ಸಂಕುಚಿತ ಭಾವವ

ಬಿರುಗಾಳಿಯ ತಡೆದು ನಿಂತಿರುವ
ಬಯಸಿ ಬಂದ ಮೋಹವ ಎದುರಿಸುವ
ಈ ಮನವ ಬಿರುಕು ಹೃದಯವ
ಶಾಪಗ್ರಸ್ಥವಾದರು ಆನಂದದ ಅನುಭವ

ಪ್ರಜ್ಞೆ ಇರದ ಪ್ರತಿಬಿಂಬವ
ಹುಡುಕಿದರೂ ದೊರಕದ ದೇವರ ಪಾದವ
ಸಾರ್ಥಕತೆಯ ಸಾರಿ ಬರದ ಜೀವವ
ಮುಷ್ಠಿಯಲ್ಲಿ ಮರಳನ್ನು ಹಿಡಿದು ಬೀರುವ

ದೃಷ್ಠಿಯಾ ದೃಷ್ಠಿ ಕೋನವನ್ನೇ ಬದಲಿಸುವ
ಏಕಾಂತತೆಯ ಏಕಾಂತವೆ ಕೈಬಿಡುವ
ಇಂತಹ ಪರಿಪಾಠವ ಸುಮ್ಮನೆ ಆಲಿಸುವ
ಮನದ ಅಂತರಾಳವನ್ನು ಬೆತ್ತಲೆಗೊಳಿಸುವ